Rydym yn chwilio am Reolwr Llwyfan i ymuno â chast 'Bitcoin Boi', sef drama newydd gyda cherddoriaeth a ysgrifennwyd gan Catherine Dyson ac sy’n cael ei chyfarwyddo gan Hannah McPake, gyda chyfansoddiad gan Dyfan Jones. Mae 'Bitcoin Boi' yn gydgynhyrchiad â Theatr a Chanolfan Gelfyddydau Glan yr Afon sy’n cael ei ariannu gan Gyngor Celfyddydau Cymru. Yn dilyn camau ymchwil a datblygu llwyddiannus, rydym wrth ein boddau o gwblhau creu’r sioe ac agor y cynhyrchiad llawn yng Nghanolfan Glan yr Afon a Met Abertyleri yr haf hwn.
Ynglŷn â’r sioe
Hanes merch ifanc ar gyrch i ganfod ffortiwn coll chwedlonol sy'n addo ei hachub hi a’i mam o'r bywyd maen nhw'n gaeth ynddo.
Yn rhannol yn stori dylwyth teg fodern ac yn rhannol yn ymgais i hyrwyddo iwtopia crypto newydd, mae'r ddrama hon yn archwilio themâu colled, gobaith a'r breuddwydion a gaiff eu gwerthu i ni.
Daeth yr ysbrydoliaeth wreiddiol ar gyfer y sioe hon o stori newyddion leol am ddyn o Gasnewydd a gollodd ffortiwn bitcoin ar ddamwain, sy'n dal ynghladd yn ddwfn yn safle tirlenwi'r ddinas.
Stori sy'n dechrau yng Nghasnewydd, yna'n croesi ffiniau a bydoedd, o longau môr-ladron i arloeswyr, o hapchwarae i'r Rhuthr am Aur, o dryciau gollwng i'r we dywyll - stori gwest epig ar gyfer ein hoes ni.
Beth ydyn ni’n chwilio amdano?
Beth ydyn ni'n rhoi werth arno mewn gwirionedd?
Ac ydy popeth yn swnio'n well yn iaith Môr-ladron?
Dyddiadau a ffioedd allweddol
Ffi: £518.05 yr wythnos a £150 y dydd am bob diwrnod ychwanegol
Dyddiadau Glan yr Afon Casnewydd:
Ymarferion yr wythnosau sy’n dechrau ar 3 Gorffennaf, 10 Gorffennaf, 17 Gorffennaf
Cynhyrchiad yr wythnos sy’n dechrau ar 24 Gorffennaf 2023
Dyddiadau Met Abertyleri: 1 a 2 Awst 2023
Dychwelyd: 3 Awst
Y Swydd
Rydym yn chwilio am Reolwr Llwyfan gyda chefndir technegol cryf i ymuno â'n cynhyrchiad o 'Bitcoin Boi' yn Theatr a Chanolfan Gelfyddydau Glan yr Afon i oruchwylio'r gwaith cynhyrchu, gan weithio gyda'r tîm creadigol a Rheolwr Datblygu Creadigol y lleoliad i oruchwylio a dod â phob adran ynghyd i sicrhau cynhyrchiad o'r safon uchaf posibl. Bydd gan yr ymgeisydd cywir wybodaeth dda am QLab a gallu cynorthwyo yn ôl y galw gyda'r sain a'r goleuo sy'n cyd-fynd â'r ddau yn Theatr Glan yr Afon a'r Met yn Abertyleri.
Byddwch chi'n gweithio gydag actorion a'r tîm creadigol llawn i sicrhau bod pob sioe yn cael ei chynhyrchu i’r safon uchaf posibl.
Cyfrifoldebau
-
Cysylltu â'r holl adrannau theatr a chasglu gwybodaeth gan gynnwys ond heb fod yn gyfyngedig i adroddiadau ymarfer, adroddiadau am y sioe, asesiadau risg (gyda'r rheolwr cynhyrchu) a thracwyr gwariant.
-
Cydweithio â'r Rheolwr Datblygu Creadigol ynglŷn â chyllidebau.
-
Creu amserlen osod addas ar gyfer y ddau leoliad gyda'r Rheolwr Datblygu Creadigol a goruchwylio'r set, y goleuadau a’r gosodiad sain.
-
Llunio manyleb dechnoleg gyda'r tîm y gellir ei hanfon ymlaen i'r ail leoliad.
-
Cydgysylltu â'r lleoliad eilaidd dros gynlluniau technoleg.
-
Creu sgript procio cof gyda nodiadau am brociau i’r cof i actorion a gofynion ar gyfer propiau, goleuadau a sain.
-
Galw’r sioe yn ôl yr angen (Gall y rôl alw am weithrediad QLab)
-
Monitro oriau gwaith y cwmni i sicrhau bod cyfnodau gorffwys priodol yn cael eu gweld.
-
Casgliadau a dychweliadau angenrheidiol.
-
Ymgymryd â thasgau a fyddai'n syrthio i gylch gwaith Rheolwr Llwyfan
Gofynion a sgiliau
-
Profiad gwaith â thystiolaeth fel Rheolwr Llwyfan
-
Trwydded yrru lawn a glân
-
Gwybodaeth ymarferol o QLab
-
Y gallu i weithio dan bwysau.
-
Llygad craff a balchder mewn manylion.
Gellir anfon ceisiadau at jamie.anderson@newportlive.co.uk a byddant yn cael eu trosglwyddo i'r tîm creadigol.
