Ddydd Llun 18 Gorffennaf, bydd Theatr a Chanolfan Gelfyddydau Glan yr Afon yn cynnal eu noson Cultivate gyntaf, digwyddiad perfformio sy'n gwahodd y gynulleidfa i gwrdd ag artistiaid lleol wrth iddynt rannu perfformiadau ‘gwaith ar y gweill’ byr o'u gwaith newydd sbon.
Bydd Cultivate yn rhoi'r llwyfan i dri artist arbrofi, rhoi cynnig ar syniadau a gwaith newydd a derbyn adborth gan y gynulleidfa, sydd i gyd yn hanfodol iddynt symud eu darnau a'u gyrfaoedd ymlaen.
Bydd y myfyriwr prifysgol Mackenzie Steele, yr artist dawns a gweledol Jodi Ann Nicholson a Jeremy Linnell, sy'n gwneud gwaith tywyll, chwareus a rhyngweithiol, yn perfformio eu gwaith am y tro cyntaf yn y digwyddiad Cultivate cyntaf, ddydd Llun 18 Gorffennaf.
Enw perfformiad Mackenzie yw 'That’s My Win!' lle mae’r prif gymeriad yn syrthio am realiti ffug safonau harddwch ac yn ceisio mynd ar ‘ddeiet’. Mae'r darn yn edrych ar y sbiral sy'n dod o geisio mynd ar ddeiet cyn diflasu a syrthio'n fwy mewn cariad â bwyd - sbiral yr oedd Mackenzie yn rhan ohono yn ddim ond 14 oed.
Mae darn Jodi yn ymwneud â deall yr effaith a gafodd mabwysiadu a’i hil gymysg ar ei hunaniaeth a'i hymdeimlad o berthyn, ac mewn ystyr ehangach mae'n ymwneud â chymuned, cartref a pherthyn.
Mae ei gwaith, ‘Dear, Love From…’, yn archwilio sut mae symudiad, dawns, gwrthrychau a llythyrau yn dod at ei gilydd i adrodd stori hunangofiannol am alar, cysylltiad a hunaniaeth. Bydd y darn yn defnyddio testun a pherfformiad ymdrochol i roi gryfhau llais y rhai sy'n cael eu mabwysiadu, nas clywir yn aml, gan eu cysylltu â'r straeon a archwiliwyd yn ehangach am rieni absennol neu berthnasoedd teuluol cymhleth.
Bydd y perfformiwr terfynol, Jeremy, yn cyflwyno gwaith am wirionedd amgen, teimlo'n glyfar a chymunedau. O dan y teitl 'TRUTHFORMATION' bydd y darn yn ymwneud â gwirionedd, gwybodaeth a sut mae'r pethau hyn yn trawsnewid. Yn ein pocedi rydym yn dal yr holl wybodaeth am y byd ond rywsut mae hyn wedi ei gwneud hi’n fwy anodd gwybod beth sy'n real a beth sydd ddim.
Ai Anghenfil Loch Ness rydych chi'n ei weld neu ddim ond rhan o forfil? Weithiau, allan o'r gronfa hynod ddofn hon o ffeithiau, syniadau, credoau, rydym yn gweld pobl yn… newid. Neu a gawsant eu disodli? Pam, â ninnau wedi ein cysylltu cystal ac yn gallu rhannu'r hyn rydyn ni'n gwybod ei fod yn wir, fod dod o hyd i’r Gwirionedd mor anodd?
Gan siarad am y noson Cultivate gyntaf, meddai Danielle Rowlands, Swyddog Addysg a Chyfranogiad Glan yr Afon
'Yng Nglan yr Afon rydym wrth ein bodd yn cefnogi a rhoi cyfleoedd i artistiaid i'w helpu i dyfu, esblygu a symud ymlaen. Mae Cultivate yn ddigwyddiad cyffrous iawn i ni gan ein bod yn gallu cefnogi tri pherfformiwr gwych gyda'r cyfle i roi cynnig ar waith newydd o flaen cynulleidfa am y tro cyntaf. Mae Cultivate yn lle diogel i arbrofi, dysgu a chael adborth, a gobeithiwn mai dyma fydd y cyntaf o lawer o berfformiadau y bydd y perfformwyr gwych hyn yn eu gwneud yng Nglan yr Afon.'
Gallwch ddysgu mwy am y noson Cultivate gyntaf, ddydd Llun 18 Gorffennaf, ac archebu eich tocynnau drwy ymweld â https://www.newportlive.co.uk/en/news-events/cultivate-monday-18-july-2022/. Disgwylir i ddigwyddiadau Cultivate y dyfodol gael eu cynnal yn yr hydref.
