Mae Tîm Lles Casnewydd Fyw wedi lansio'r prosiect Dynion Iachach Hapusach, prosiect peilot 12 wythnos newydd ar gyfer dynion 20 – 50 oed sy'n byw yng Nghasnewydd a'r ardaloedd cyfagos sy'n awyddus i wella eu hiechyd meddwl a lles, sy’n gorfforol anweithgar neu wedi'u hynysu'n gymdeithasol. Bydd y prosiect yn defnyddio ystod o ddulliau rhyngweithiol sy'n cael eu harwain gan anghenion yn ogystal â darparu lle diogel, anfeirniadol i ddynion gymdeithasu a siarad yn agored am eu hiechyd meddwl.
Cynhelir sesiynau prosiect ar nos Lun yn Theatr Chanolfan Gelfyddydau Glan yr Afon a bydd yn canolbwyntio ar amrywiaeth o bynciau gan gynnwys bwyta'n iach, newid ymddygiad, problemau cysgu a chyffuriau, gamblo a dibyniaeth ar alcohol. Bydd y cyfranogwyr hefyd yn cael cyfle i gymryd rhan mewn sesiwn ffitrwydd ystod ar nos Iau gan gynnwys y fenter Couch to 5k gan Iechyd Cyhoeddus Lloegr a'r BBC, a gynlluniwyd i annog pobl nad ydynt yn ymarfer corff i gymryd camau cadarnhaol ar gyfer eu hiechyd a'u lles. Bydd mynediad i gyfleusterau ffitrwydd Casnewydd Fyw, gan gynnwys ystod o gymorth ffitrwydd personol, hefyd ar gael i gyfranogwyr drwy gydol cyfnod y prosiect.
Dywedodd Ellis Redman, Cennad Lles Casnewydd Fyw "O ganlyniad i'r pandemig, mae ymddygiadau iechyd negyddol fel anweithgarwch corfforol ac ynysu cymdeithasol wedi cynyddu ac maent yn gwneud cyfraniad allweddol at iechyd meddwl gwael. Bydd prosiect Dynion Iachach Hapusach Casnewydd Fyw yn chwarae rhan ganolog wrth fynd i'r afael â stigma ac ymdeimlad o dabŵ sy'n dal i ymwneud ag iechyd meddwl dynion. Drwy fynychu'r prosiect rydym yn gobeithio y gall cyfranogwyr leihau'r amser a dreulir ar eu pen eu hunain drwy feithrin hyder cymdeithasol drwy gwrdd ag eraill a datblygu cyfeillgarwch."
Dywedodd Richard Dale, Pennaeth Datblygu Busnes Casnewydd Fyw "Nod y prosiect yw dod o hyd i gefnogaeth, anogaeth a chyffredinolrwydd ymhlith y grŵp. Mae'r ffocws yn cael ei arwain gan y cyfranogwyr gyda'r staff yn cymryd arweiniad ar y cyfeiriad sydd ei angen i ddiwallu anghenion y grŵp. Mae newidiadau i ffordd o fyw ac ymddygiad yn llawer mwy effeithiol os gallwch amgylchynu eich hun gydag unigolion o'r un bryd sy'n mynd i rannu â chi a'ch annog ar eich taith bersonol eich hun. Mae Casnewydd Fyw wedi ymrwymo i leihau'r rhwystrau i gyfranogiad a datblygu prosiectau sy'n ceisio ysbrydoli trigolion i fod yn hapusach ac yn iachach. "
Mae natur agos y prosiect Dynion Iachach Hapusach yn golygu bod lle diogel wedi'i greu ar gyfer grŵp cyfoedion cefnogol lle gall cyfranogwyr gyfarfod eraill sydd â phroblemau iechyd meddwl, siarad yn agored ac yn rhydd am iechyd meddwl dynion, ac dysgu o brofiad ei gilydd.
I gael rhagor o wybodaeth am y prosiect Dynion Iachach Hapusach neu i siarad â thîm Lles Casnewydd Fyw, e-bostiwch HHMproject@newportlive.co.uk neu gysylltu â 01633656757.
