CONSUMERSMITH - May Love Be What You Remember Most

Byddem wrth ein bodd i chi fod yn greadigol ar yr un thema a rhannu eich creadigaethau gyda ni! 

Gallech dynnu llun, ysgrifennu cerdd, peintio, rapio, dawnsio neu unrhyw beth arall. 

Anfonwch eich gwaith celf atom neu e-bostiwch gopi neu fideo i Sally-Anne Evans yn Sally-Anne.Evans@newportlive.co.uk neu i Glan yr Afon, Ffordd y Brenin, Casnewydd, NP20 1HG erbyn 12 Chwefror.

Byddwn yn creu oriel o'r holl waith i bobl Casnewydd ei fwynhau.

Fideos Lles ac Ysbrydoledig

Mae gan Gasnewydd Fyw sesiynau gweithgareddau corfforol a lles digidol ar gyfer lefelau a galluoedd amrywiol gan gynnwys: 

• Hyfforddiant Dwysedd Isel
• Tai Chi
• Ioga
• Zumba

Hefyd bydd Casnewydd Fyw yn cynnal dosbarthiadau dwysedd isel bob dydd ar Zoom o fis Chwefror

Art Clwb gyda Naz

Ymunwch â Naz o Ziba Creative, sydd efallai’n gyfarwydd i chi o'i byrddau crefft yng Nghanolfan Glan yr Afon yn ystod Sblash Mawr a Chelf ar y Bryn, wrth iddi rannu rhai prosiectau creadigol syml gwych ar ei sianel YouTube.

Happenus

Mae’r grŵp theatr Tin Shed wedi lansio Happenus, trioleg o ddigwyddiadau llawn llawenydd wedi’u hymbellhau’n gymdeithasol. Ymunwch a chymerwch ran mewn Twinning, sef prosiect am greu cysylltiadau newydd sy’n gofyn i chi ddod o hyd i’ch gefell o ran eich cyfeiriad ac ysgrifennwch lythyr ato.

Gallwn Fod Gyda'n Gilydd Ar Wahân (2020) – Kate Mercer

Mae Kate Mercer yn eich gwahodd i ymuno â hi i ledaenu ychydig o gariad a gobaith trwy flwch llythyrau pobl yn ystod y cyfnod clo hwn. Mae’r gost wedi ei thalu – y cyfan sydd angen i chi ei wneud yw ysgrifennu neges at rywun na allwch ei weld ar hyn o bryd a’i rhoi yn y post! Efallai y gwnewch wahaniaeth mawr yn niwrnod rhywun.

"Yn ystod y cyfnod clo cyntaf bues i’n gofalu am fy mam oedd â salwch terfynol - roedd yn golygu bod rhaid i mi symud i ffwrdd o’m teulu a’m ffrindiau i fyw gyda nhw a hunan-warchod rhag y feirws. Roedd yn anodd. Roedd yn gwneud i mi werthfawrogi'r amser a dreuliad gydag eraill yn fwy, mewn bywyd go iawn ac ar-lein. Roeddwn i eisiau dod o hyd i ffordd o wneud gwaith celf a allai deithio unrhyw bellter i ddod â phobl at ei gilydd - wedi'i gyffwrdd gan un person cyn cael ei anfon at un arall. Nawr fy mod yn ôl yng Nghasnewydd, rwyf wedi gadael cardiau post mewn mannau i bobl ddod ar eu traws ar hap, i fynd â nhw adref a’u hanfon.  Mae'n bleser galluogi eraill i anfon negeseuon at bobl nad ydynt yn gallu eu gweld yn bersonol."

Mae Kate Mercer yn artist gweledol sy'n byw yng Nghasnewydd ac sy'n defnyddio amrywiaeth o brosesau i archwilio syniadau ynghylch cof, hunaniaeth a chanfyddiad. Cynhelir ei gwaith mewn casgliadau preifat a chyhoeddus gan gynnwys Amgueddfa Cymru yng Nghaerdydd.

Ynghyd â'i chyd-artistiaid a'r ffotograffwyr Sarah Goodey, Jenny Fallon a Jo Sutton, mae Kate yn un o dîm o wirfoddolwyr sy’n gyfrifol am  Celf Ar y Bryn Casnewydd– llwybr celf tŷ agored a stiwdio agored ar ochr orllewinol Casnewydd mewn partneriaeth â Chanolfan Gelfyddydau Cwtsh. Mae hi'n aelod o Phrame Cymru ac yn helpu i redeg #ARTSNEWYDD – gan hyrwyddo artistiaid o Gasnewydd a'r cyffiniau a'u gwaith.

Atgofion o’r Bont Gludo

Dywedodd Rudyard Kipling un tro “pe bai hanes yn cael ei addysgu ar ffurf straeon ni fyddai byth yn cael ei anghofio”, mae straeon personol ar flaen ein cynllun dehongli ar gyfer Pont Gludo Casnewydd ac mae angen eich help arnom.

Ydych chi’n cofio reidio’r gondola pan oeddech chi’n blentyn? A wnaethoch chi redeg ar hyd y rhodfa uchaf er mwyn cyrraedd gêm yn Coronation Park? Neu efallai y defnyddioch y bont bob dydd fel cymudwr neu fod gennych berthynas a oedd yn gweithio ar y bont?

Rydym eisiau gweld eich ffotograffau a chlywed eich atgofion. Byddwch yn rhan o hanes y bont drwy gysylltu ag Emma ar emma.newrick@newport.gov.uk neu dilynwch ni ar y cyfryngau cymdeithasol @NpTBRidge.

Llun o Mike McNarmara a’i chwaer Blanche ym 1962.

Hapus ac Iach o Gartref

Ewch i Hapus ac Iach o Gartref Casnewydd Fyw i weld ystod o adnoddau i gefnogi eich lles meddyliol a chorfforol, darparu adloniant a’ch cadw mewn cysylltiad â’r celfyddydau yn ystod y cyfnod anodd hwn.