Mae Cynllun Llogi Beiciau Momentwm yma i alluogi mwy o bobl i ddewis beicio. Rydym yn cynnig mynediad fforddiadwy, byrdymor i feiciau. P'un a ydych chi'n cymudo, bod yn fwy heini neu eisiau mynd allan gyda'r teulu. Mae'r cynllun hwn yn caniatáu i chi gael mynediad i'r dewisiadau hyn cyn i chi brynu eich beic eich hun yn y tymor hwy.
Gallwch gael mynediad i feic safonol neu os ydych chi eisiau ychydig o gymorth i ddringo’r bryniau gallwch ddewis un o'n E-feiciau â chymorth trydanol.
Beth fyddwch chi’n ei gael
- Beic safonol neu E-feic (Gwefrydd os yw'n berthnasol)
- Helmed
- Clo Beic
- Cyflwyniad personol ar sut i ddefnyddio'r offer yn ddiogel gan Swyddogion Ymgysylltu Momentwm.
Sut mae’n gweithio
- Cysylltwch â thîm Momentwm i gofrestru diddordeb drwy e-bost i Momentwm@casnewyddfyw.co.uk.
- Byddwn yn eich helpu i ddewis pa feic ac offer sydd eu hangen arnoch ac yn trefnu casglu eich beic.
- Bydd y casglu naill ai o Station Gym neu Felodrom Cenedlaethol Geraint Thomas Cymru.
- Wrth gasglu, bydd angen i chi ddod â phrawf adnabod â llun a phrawf cyfeiriad.
- Pan fyddwch chi’n hapus â'ch beic a'ch offer ac wedi derbyn eich cyflwyniad i’ch beic, byddwch yn cael eich cyfeirio i dderbynfa'r lleoliad (Station Gym neu Felodrom Cenedlaethol Geraint Thomas Cymru) i dalu.
- Beiciwch i ffwrdd yn hapus, nes i chi ddychwelyd eich beic ar y dyddiad a'r amser y cytunwyd arno.